Whit Kin Ah Dae Between Bin Days?
The following poem was a shortlisted finalist in the Tyne & Esk Writer of the Year 2008. 
The motor’s away for another week
The lingering smell’s aw that’s left
Fir me tae breathe in and savour
And wonder what the hell ah’ll dae next
Seven days tae waste ‘til the boys come again
Whit kin ah dae between bin days
Except watch telly, get bevvied and sleep?
Whit kin ah dae between bin days?
Jist sit here and pit up ma feet
She’s oot at work aw day like everyone else
Ahm left here jist nae gid tae naeb’dy
Another old geezer stuck oan the shelf
Dinny ken whit tae dae wi masel’
Refuse collector, scaffie and bin man
That used tae be me, an’ ah loved it
Oot in aw weathers, havin’ a laugh
Man there wis jist nothin’ like it
Seven days tae waste ‘til the boys come again
Whit kin ah dae between bin days
Except watch telly, get bevvied and sleep?
Whit kin ah dae between bin days?
Just sit here and pit up ma feet
Ma knees are too sare, ah kin barely stand up
This arthritis has taken me over
Just once a week when the lorry comes roond
This old dead loss comes back tae life
The roar ay the engine, the jokes and the crack
The things that we’d find in folk’s plastic bags
Noo ahm on the scrapheap just rottin’ away
Nae recyclin’ fir me, soon ah’ll be turned intae landfill
Seven days tae waste ‘til the boys come again
Whit kin ah dae between bin days
Except watch telly, get bevvied and sleep?
Whit kin ah dae between bin days?
Just sit here and pit up ma feet
Posted in Poetry